شعر چاكر و گوهرام
جانان بله ، شگر كاران چه رب رحماني
رپتگنت بيلان ، رپتگنت بيلان دين ايمٌاني
لم يزل تنها يا او ،وت ماني
دست جنگ زهر تيزين كماني
و چارگ ءُ دست جنگ زهرديمين كماناني
دمبگ ءُ سر سينگ گرانداني
نوش تنت ورانا ياني هم دل ءُ جاني
وشٌ تنت و دور وشٌ تنت تنباني
وشٌ تنت پيشي دهر بلوچاني
سبز تنت پلٌ ءُ دنگ تنت تازي
هورد تنت و مولٌ ءَ دپءِ وشحالي
چاكرءِ وهارين گورمءَ هم چرتگ
يك گوري وميش ءُ مادگي هستت
يك گوري وجتٌ ءُ‌بره گرين داچي
آ نيم ، دهقان ءُ مرد مزن مرٌين
جنپ سرين و جوهان بگارينتنت
گيلٌگ ميتاپ بهو اين تنت
ماش گونا پر ماش آن هم هوراينتنت
جنپ سرين و جوهان بگارينتنت
دان دو شش ماهءَ پرٌگ هم بيتنت
نوكران و تندين بورزائنتنت
آپ من طاسين قدحان هم داتنت
چو كوانت ءَ كه كرٌگءِ هم رستنت
زينءَ من پيلٌي موند روان داتنت
دل جمين ورنا سوار بيتنت
تا نود بام گواه ءَ چكرينتنت
گردن دالشانش تنگ بيتنت
زين زباداني چندنان هم سيتٌ انت
دوستش هم من عهدان نشتگنت هم ماهين
سر گل ءُ سربنداني طلاهينان
گوش گون آودنداري مير شيپن دُرٌان
پاد گون آ پاديگان دوپرٌينان
دست گون آ لالي كد ولي آن
عادل ءِ من داداني غلام باتان
مني سرءَ انديشه ءُ گمان نيست ات
من سرءَ كاينت رندءُ دمبكي
ناگمانيگ چو ترك ءُ نرگوران
شصت و شش رندءِ چو تومن گارينتگ
كشتگ من ناماني ملك ميران
حاجي شيهك ءُ عومر ءُ باران
آسري سوارت گور كشين عالي
گون حسن دشتاكي نهين بچان
وَ هر چار همنامين سماعيلان
گيشتر مني دپ بوجان سگاراني
من گري دوري درست كتوپار اِنت
تو وتي ساه ءِ هر جنگ ساهتءَ
زوري پهَ پيلي موند روان داتي
جست گروتي ملوكين گها زاتك ءَ
مهلوين ميران ءَ و نوابين ءَ
دروگ نبنديت اِنت لا ئكين و مردي
چه مني شهماتن مزاريگان
يكي من چپين گوش بني وارتگ
پاگي چه برانين سرءَ هم كپتگ
چو بَت ءَ بدي آن وران بيتئ
آپ ترا و سردين تتٌرا پِتٌنت
چه كباهاني بارگين وچينان
ترٌتي تو توهيگا هم شتي لوگءَ
پهر نبندي گون همسرين و بيلان
گون جنءُ چكٌءُ دروشمين بچٌان
چاكرءِ وشيهك جو سرءِ هم سولي
چاكر تو آسمانءَ پدانك بندي
هپت زرءُ هپتاد كوه بگوازيني
دادارءِ جنپان بر سرءَ هم زيري
هارين ميرانءَ پهَ گدار تو گندي
ميران تئي گهارزاتكت و مراياني
هار تئي گهارزاتك اِنت بارگين هم بوري
كنٌواني وهدءَ نه شهكاري
اسپراني پيش كنزگ ءِ هم وهدءَ
پرد پي وش اتكي رضامندي
چاكر تو شيهك جو سري هم سولي
من سرءَ سبزءُ من بنءَ هشكيت
لمبي من هندءُ لمبي من سندانت
تئي چيرگ ءَ ديوانءُ مرا گاهت
برٌت ترا پولاتين تپرزينءَ
كپتي من گور پامءِ گوري انديم
هارات باتين نئي گوات تيلينيت
من گري دوري درست كتو پار اِنت
چاكرءِ همبيلان من رهَ ترٌانت
من ترا گر دست لتي ني ديان و دستا
سريمٌگين گاميشان بچارني
گون كرٌگ ءَ گوك در زيگا
هينٌزكان و ريحان حسن منتي
جارو په دوگ ِپند گاهن شرٌاِنت
نيمگان ءُ پر چور بياريت پر ميرءَ
ني هشتگون بيبگركه لانك جنت شئيرءَ
و شائريلانگوان چكرٌينيت
